Сэн вӧлі йӧзӧдӧмаӧсь комиӧн гижӧм кывбуръяс: «Зон», «Том ныв», «Гӧль зон», «Пӧрысь», «Понкӧд». Быд гижӧд улӧ сетӧма вӧлі рочӧ вуджӧдӧм. Бӧркыв пыдди Иван Куратов гижӧма:
Зырян кыв, кыдз и рӧдвужъя мадьяр, торъялӧ дженьыдлунӧн. Сы вӧсна татшӧм жӧ дженьыд кывбуръясӧн, кушӧмӧн лоӧны вӧзйӧм сьыланкывъяс, найӧс оз позь вуджӧдны рочӧ. Шусьӧг серти оз позь шыбитны сьыланысь кывъяс, а вуджӧдігас татӧг сьӧкыд; сідзжӧ кыдз колӧны и ковтӧм кывводзьяс. Йӧзлӧн став гижӧдсьыс сьыланкыв – медся нор сьӧлӧма тшаппоз.
Ӧнія кадӧ И.А. Куратовлӧн кывбуръясыс вуджӧдӧмаӧсь ветымынысь унджык кывйӧ: мадьяр, суоми, эст, украинаса, поляк и с.в.
Медтӧдсаӧн лоӧны «Менам муза», «Коми кыв», «Мича ныланӧй, муса аканьӧй», «Пӧч», «Грездса ныв карса баринлы», «Закар ордын», «Сьылан менам, сьылан», «Коми бал», «Том ныв» да мукӧд кывбуръяс.
И.А. Куратов кулӧм бӧрын гижӧдъясыс веськалісны Василий Иванович Чистопольский ёрт да уджъёрт дорас. 1878-ӧд воын сійӧ ыстас кипом гижӧм тетрадьяссӧ Верный карсянь Петыркарӧ почтаӧн кывбуралысьлӧн дядьӧн шуысьыслы, Императорскӧй историко-филологическӧй институтын велӧдчысь Николай Афанасьевич Куратовлы. Гижысьлӧн рӧдвужыс вӧліны велӧдчӧм, вежавидзысь йӧзӧн да видзисны кипом гижӧдсӧ семьяса дона казьтыланпом туйӧ. Дыр кад Куратовлӧн тетрадьяс олісны ыджыдджык вок, Межадорса вичкоын попалысь Афанасий Куратов дорын. Сэсся вуджисны кывбуралысьлӧн дядьӧн шуысь дорас, Визинса вичкоын попалысь Степан Куратов дорӧ. Гражданскӧй война кадӧ, 1919-ӧд воӧ Куратовлӧн библиотекаыс вӧлі разалӧма сэтчӧс олысьяснас либӧ воштӧма. Дивӧӧн кольӧм нёль небӧг музейӧ вайӧма А.С. Сидоров. Витӧдсӧ («История философии Бауэра») музеяс козьналӧма Мылдінын олысь Василий Попов.
Талун Куратовлӧн ним нэммӧдӧма: сылӧн нимӧн шуӧмаӧсь каръяслӧн уличьяс, велӧдчанінъяс, сувтӧдӧмаӧсь памятникъяс, а кывбуръясыс лоӧны Россияса войтыръяслӧн литератураын тӧдчана пасӧн.
Вайӧй тiсянь смартфон камера, медбы воча югыдӧ приложениеынОшибка на сайте
X
Нашли опечатку?...
