Медводдза коми кывбуралысь И.А. Куратовлӧн литературно-мемориальнӧй музей вӧлі восьтӧма 1969-ӧд воын кыдз Республикаса ас му туялан музейлӧн юкӧн. Экспозициясӧ лӧсьӧдісны А.М. Рубцов – ас му туялан музейлӧн история юкӧнӧн веськӧдлысь, Т.А. Шеромова (Чисталёва) – Литературнӧй музейӧн медводдза веськӧдлысь, серпасасьысь Р.Н. Ермолин. Комын во чӧж музей вӧлі Орджоникидзе улич вылын олан керкалӧн медводдза судтаас.
Коми Республикаса Национ музей
Иван Куратовлӧн литературнӧй музейын
архив
Ытшкӧм экспозиция#1
#2
Литературный музей И.А. Куратова
2009-ӧд воын И.А. Куратовлӧн литературнӧй музей вуджис выльдӧм С.Г. Сухановлӧн керкаӧ.
Выль экспозиция тӧдмӧдӧ кыв, гижӧд да литература сӧвмӧмлӧн историякӧд XIV–XX нэмъяс кадколастӧ.
#3
Экспозициялӧн шӧр юкӧнъяс: «Коми фин-угор войтыръяс котырын»,
«Коми-зыряналӧн гижӧда кыв артмӧм», «И.А. Куратовлӧн олӧм да творчество. Кывбуралысьлӧн кольӧм гижӧдъяс восьтӧм да туялӧм», «Коми литература XX нэм пансьӧмсянь комынӧд воясӧдз», «Айму вӧсна Ыджыд тыш воясӧ да войнабӧрся кадӧ Коми Республикаын литература», «Ӧнія Коми Республикаын литература. XX нэм мӧд джынйыс — XXI нэм заводитчӧм».
#4
Фрагмент экспозиции «Коми в семье финно-угорских народов»
Экспозиция тӧдмӧдӧ коми фольклорын да мифологияын петкӧдлӧм пертасъяскӧд, а фин-угор кывъяслӧн рӧдвуж пуыс отсалӧ аддзыны рӧдвужа войтыръяслысь унапӧлӧслунсӧ. Музейын видзсьӧны XV–XIX нэмся кипомысь гижӧм небӧгъяс; XVIII–XX нэмся важ крестлы эскысьяс котыръяслӧн небӧг чукӧръяс; крестьяналӧн кипомысь гижӧм небӧгъяс, кытчӧ пыртӧма ӧбедняяс да А.С. Пушкинлӧн, Н.В. Гогольлӧн, М. Твенлӧн гижӧдъяссӧ коми кывйӧ вуджӧдӧмъяс.
#5
Фрагмент экспозиции «Жизнь и творчество И.А. Куратова. История открытия и изучения поэтического наследия»
Экспозициялӧн шӧр иныс сиӧма коми литература подув пуктысь И.А. Куратовлы да сылӧн кольӧм гижӧдъяссӧ восьтӧм да туялӧмлы. Тан петкӧдлӧмаӧсь сылӧн небӧгъясыс, фотографияыс.
Кык коллекцияысь чукӧртӧм керка кӧлуйыс лӧсялӧ XIX нэм мӧд джынйыслы.
#7
Фрагмент экспозиции «Коми литература первой трети XX века»
1900–1930-ӧд вояс петкӧдлыны отсалӧмаӧсь татшӧм паныдасьлытӧмторъяс: К.Ф. Жаковлӧн «Биармия» эпос кипом гижӧд, П.А. Сорокинлӧн «Известия Архангельского общества изучения Русского Севера» журналын петӧм статьяяс, В.Т. Чисталёвлӧн да В.А. Савинлӧн письмӧяс, А.С. Сидоровлӧн архивысь фотографияяс да скрипка, Жаковлӧн велӧдысь Ф.И. Забоевалӧн секретер, 1920–1930-ӧд воясся гежӧд петасъяс, 1920-ӧд воясын чукӧртӧм рӧдвуж пасъяс.
#8
Фрагмент экспозиции «Коми литература в 1930—1950-е годы»
Война кадся А.П. Размыслов, В.И. Елькин, Г.А. Фёдоров, И.В. Изъюров, И.И. Пыстин, И.М. Вавилин, С.А. Попов гижысьяслӧн олӧм да творчество йылысь висьталӧны фронтовӧй письмӧяс, дневникъяс, фотографияяс, документъяс, наградаяс, гижысьяслӧн эмбур; тылын уджалысь В.В. Юхнин, Я.М. Рочев, Н.М. Дьяконов, С.И. Ермолин гижысьяслӧн кипом гижӧдъяс, фотографияяс, небӧгъяс.
#9
Book-café
Ӧнія Коми Республикаса литературалы сиӧм зал вӧчӧма book-café ногӧн. Татӧн позьӧ пуксьыны да копе юигмоз лыддьысьны, пырны И.Г. Торопов, Г.А. Юшков, А.Е. Ванеев, В.В. Кушманов, Н.А. Мирошниченко, В.В. Тимин, Н.Н. Куратова гижысьясӧн артмӧдӧм енколаясӧ. Тані жӧ нуӧдсьӧны литературалы сиӧм паныдасьлӧмъяс, шылада-кывбура рытъяс.
#10
Иконописнӧй да небӧга памятникъяс, медводдза кыв туялысь П.И. Савваитовлӧн да Г.С. Лыткинлӧн уджъясыс висьталӧны XIV нэмын Перымса Степанӧн лӧсьӧдӧм важ коми гижӧд артмӧм йылысь да XV–XIX нэмъясӧ енлы кесъялан небӧгъяс коми кывйӧ вуджӧдан традиция йылысь.
лыддьыны сідзжыквундалны
Вайӧй тiсянь смартфон камера, медбы воча югыдӧ приложениеынАдрес
Воча югыдӧ приложениеын
Юкны