С.Д. Эрьзянь лемсэ мокшэрзянь республиканской изобразительной искусствань музеесь — мелькстамо Поволжьянь культурно-просветительской центрась. Музеесь панжовсь 1960 иестэ якшамковонь 10 чистэ ды лемезэ ульнесь сестэ Ф.В. Сычковонь лемсэ Мокшэрзянь республиканской артовксонь галерея. 1976 иестэ ульнесь строязь од здания, 1995 иестэ саезь музеесь кантни Степан Эрьзянь лементь. 2014 иестэ ульнесь теезь реконструкция, конась ветизе музеенть чачонзо мировой музейтнень стандартнэнень.
Базовой коллекциякс кармасть раськень художественной культурань классиктнень важодевксэст – Степан Дмитриевич Эрьзя скульпторонть ды Федот Васильевич Сычков артыцянть.
Неень шкасто музеень пурнавкссонть 16000 ламо ванстомань еденицат. Свалонь экспозициянтень эрьва ие сакшныть 60000 ламо ломанть.
2020 иестэ Мордовиянь Правительствась ловизе музеенть пек питней культурной объектэкс. Основной зданиянть башка музеентень совавтовить зярыя филиалт, конатнень ютксо С.Д. Эрьзянь Музеесь-кудось Ардатовской районсо Баеньбуе велесэ ды Ф.В. Сычковонь Музеесь-кудось Ковылкинской районсо Кочелаева велесэ.
