С.Д. Эрьзянь лемса Мокшэрзянь республиканскяй изобразительнай искусствань музейсь — Поволжьянь инь оцю и содаф культурно-просветительскяй центрась. 1960 кизоня 10-це январьста панчфоль и лемтьфоль Ф.В. Сычковонь лемса Мокшэрзянь республиканскяй картиннай галереякс. 1976 кизоня путфоль од здания, 1995 кизоста сявомок музейсь каннесы Степан Эрьзянь лемонц. 2014 кизоня сон петьфоль тяниень пингонь вешфкснень коряс, мезсь маласькофтозе масторонь музейнай стандарттненди.
Национальнай художественнай культурань классикнень – скульпторть Степан Дмитриевич Эрьзянь и живописецть Федот Васильевич Сычковонь работасна музейса васенце вастсот.
Тяниень пингть музейнай коллекцияса ванфневи 16 тёжяда лама работа. Экспозициять эрь кизоня ванондсазь 60 тёжяда лама ломань.
2002 кизоня Мордовиянь Правительствась лувозе музейть культурнай наследиянь питни объектокс. Оцю зданияда башка музейть улихть филиалонза, конатнень ёткса С.Д. Эрьзянь Музеец-кудоц Ардатовскяй райононь Баева велеса и Ф.В. Сычковонь Музеец-кудоц Ковылкинскяй райононь Кочелаева велеса.
