Эркера зал

Коми Республикаса Национальнӧй галерея сулалӧ 1890 воын стрӧитӧм важ духовнӧй училищелӧн керкаын. Галерейлысь медыджыд да мича залсӧ унаысь шуӧны «куполаа»-ӧн — джуджыд йывъяс да джынвыйӧ шар формаа вевт вӧсна. Войдӧр татӧн вӧлі керкаса вичко.

Экспозицияын петкӧдлӧм авторъяс пӧвстысь он аддзы ыджыд живописецьяслысь нимъяс, но эмӧсь мастеръяс, кодъяс, ассьыныс уджъяс моз, вӧлісны популярнӧйӧсь ӧтпӧлӧс кадын олысьяс да коллекционеръяс дорын. Чукӧртӧмлӧн да зал пытшкӧслӧн торъялӧм вӧсна экспозиция мунӧ декоративнӧй ӧшӧдан принцип серти.

Сэні эмӧсь Европаса пӧртмас разнӧй школаясса художникъяслӧн картинаяс. Медводдза уджъяс пӧвстын — XVII нэмса тӧдтӧм голландскӧй художниклӧн «Натюрморт чериӧн» («Натюрморт с селёдкой»). Ичӧт голландецьяслӧн живопись традицияясын гижӧма Луи Мейерлӧн да Жан Дибольтлӧн картинаяс, Адриан Браувер котырысь художниклӧн «Аптекаын» («В аптеке») удж. Фламандскӧй школа петкӧдлӧ XVIII нэмса тӧдтӧм художниклӧн «Гусьясьысьяс» («Воры») картина.

Пӧрӧсь жанра уджъясӧн петкӧдлӧма немечкӧй живопись школа. Тайӧ Николай Астудинлӧн да Ханс Шлейхлӧн пейзажъяс, Феликс Поссартлӧн жанрӧвӧй картина «Альгамбра. Цыганъяс юкмӧс дорын» («Цыганы у колодца») да Кауфман художниклӧн композиция, коді петкӧдлӧ Римса Свет Петыр соборлысь пытшкӧс.

Экспозицияын петкӧдлӧм уджъяс — Европаса культуралӧн художествоа наследиелӧн юкӧн, коді отсалӧ паськӧдны мирса искусство история кузя миян тӧдӧмлунъяс. Залын тӧдмавсьӧ 11 экспонат. Найӧс позьӧ аддзыны уджъяслӧн веськыдвылын сулалысь «AR» пасъяс серти.