Сыктывкар — Россияса войвыв регионлӧн, Коми Республикалӧн, юркар.
Карлӧн тӧдтӧм, сьӧкыда шуана нимыс коми кывйысь вуджӧдӧмӧн петкӧдлӧ «Сыктыв вылын кар». Кар лӧсьӧдӧма 1780 вося февраль 5 лунӧ Екатерина II-лӧн Указ серти. Сылӧн медводдза нимыс вӧлі Усть-Сысольск. 1930 воын карӧс шуисны Сыктывкарӧн.
[Цитата Кима Рыжова — оставить на русском:]
Это название трудно произносится, / Если в первый раз нашёл его на глади карт. / А увидишь этот город, сам он в песню просится — Сыктывкар. / Сыктывкар — миян кар, дона кар! — Ким Рыжов
Сыктывкар — уна войтырлӧн кар. Татӧн олӧ 250 сюрс гӧгӧр олысь — 70 сайӧ войтыр пӧвстысь. Гашкӧ, сӧмын та вӧсна Сыктывкар пыр гажаа восьтӧ ассьыс ӧдзӧссӧ воысьяслы.
Сыктывкар — республикалӧн культура юркар. Карын уджалӧ Коми Республикаса Республиканскӧй опера да балет театр, Коми Республикаса Национальнӧй музыкальнӧй-драматическӧй театр, В.А. Савин нима Государственнӧй академическӧй драма театр, сідзжӧ карсаяслӧн радейтана культура шӧринъясысь ӧтик — Коми Республиканскӧй филармония.
Республикаса медыджыд государственнӧй музей — Коми Республикаса Национальнӧй музей. Сыктывкарсаяслӧн оскӧмыс — Коми Республикаса Национальнӧй галерея. Республика сайын паськыда тӧдса А.А. Чернов нима геологическӧй музей.
Гажа петкӧдчӧмъяс эмӧсь Коми крайса йӧзӧс велӧдан история музейын, археология да этнография музейын. Карын паськыда сӧвмӧма библиотека сеть. Коми крайса история, культура да литература кузя печатайтӧм да гижӧм документъяслӧн дзик торъя фонд эм Коми Республикаса Национальнӧй библиотекаын, Россияса Рытыв-войвылын медважъяс пиысь ӧтикын.
Сыктывкарын уджалӧ республикаын медыджыд уявны бассейн да дзик выльмӧдӧм бӧрын выль Республиканскӧй стадион.
